सौरभ लाखे
बिंदास न्यूज नेटवर्क
औरंगाबाद
जिल्हा किंवा तालुका प्रशासन अधिकृत लेखी आदेश देत नाही तो पर्यंत मागील आदेशाचे पालन करून लॉकडाऊन पाळावेच लागेल असे आवाहन वैजापूरचे तहसीलदार महेंद्र गिरगे यांनी केले .
देशभरात लॉकडाऊनमध्ये केंद्र सरकारच्या गाईडलाईन मध्ये अजून शिथिलता देण्यात आली आहे. मॉल्स वगळता इतर दुकानदारांना आपली दुकानं सुरु करण्यासाठी सवलत देण्यात आली आहे. याबाबत केंद्रीय गृहमंत्रालयानं मोठा निर्णय घेतला आहे.
मॉल्स वगळता इतर दुकानदारांना लॉकडाऊनमधून सवलत दिली असली तरी ही सवलत देताना काही अटी देखील घातल्या आहेत.
मास्क बंधनकारक, 50 टक्के कर्मचारी आणि सोशल डिस्टन्सिंगचे पालन करणे या अटींसह दुकान उघडण्यास परवानगी देण्यात आली आहे. आजपासून हा आदेश लागू होणार असला तरी जिल्हा किंवा तालुका प्रशासनाने अधिकृत दुजोरा दिलेला नाही
महत्वाचं म्हणजे या सवलती हॉटस्पॉट किंवा कंटेनमेंट झोनमध्ये लागू नाहीत. आतापर्यंत फक्त अत्यावश्यक सेवेची दुकान म्हणजे अन्न धान्य, मेडिकल्स, दूध, भाजीपाला अशीच दुकानं सुरू होती. आता त्यात बदल करुन इतर दुकानं सुरू करण्याची मुभा देण्यात आली आहे.
मात्र हे करताना सोशल डिस्टन्सिंग तसंच मास्क घालणे बंधनकारक आणि दुकानांमध्ये 50 टक्केच कर्मचाऱ्यांची उपस्थिती असावी, असा नियम घातला आहे. मोठी दुकानं तसेच विविध ब्रँडची मॉलसारखी दुकानांना ही सवलत नाही.
अशी माहिती केंद्राने दिल्यानंतर व्यवसायिक वर्गात संभ्रम निर्माण झाला होता, दरम्यान या वर खुलासा करताना तहसीलदार गिरमे यांनी दुकाने न उघडण्याचे व काळजी घेण्याचे आवाहन केले
